İraq və Əfqanıstanda müharibələrə son qoyulduqca ABŞ prezidenti Barak Obama amerikalıları yeni xidmət və fədakarlıq ruhu qəbul etməyə çağırıb.
Prezident Obama Veteranlar Günündə hərbi qulluqçulara öz ehtiramını ifadə edib.
Mərasim bir çox ABŞ veteranlarının dəfn olunduğu Arlinqton Milli Məzarlığında keçirilib.
Müraciətdən əvvəl cənab Obama vətən yolunda candan keçmiş əsgərlərin xatirəsinə hörmət əlaməti olaraq əklilqoyma mərasimində iştirak edib.
ABŞ prezidenti vətənə qayıdan veteranlara adekvat tibbi xidmət göstərilməsinə və onlar üçün əlavə imkanlar yaradılmasına çağırıb.
