Natiq Kərimov həbsdən azad edilib

Bir neçə saat bundan öncə Səbael rayon Məhkəməsi Nardaran Ağsaqqallar Şurasının sədri Natiq Kərimov barəsində həbs qətimkan tədbirini dəyişib. Məhkəmə Kərimov barəsində həbs qətimkan tədbirinin ev dustaqlığı ilə əvəz edilməsi barədə qərar qəbul edib. Bu barədə Natiq Kərimovun oğlu Kamran Kərimov Amerikanın Səsinə bildirib..

Natiq Kərimov Dövlət Təhlükəsizliyi Xidmətinin İstintaq Baş İdarəsi tərəfindən aparılan cinayət işi üzrə şübhəli şəxs qismində tutularaq 2016-cı il yanvarın 7-də Cinayət Məcəlləsinin 274-cü (dövlətə xəyanət) maddəsilə təqsirləndirilən şəxs qismində cəlb edilib, Səbael rayon Məhkəməsinin qərarı ilə barəsində 4 ay həbs qətimkan tədbiri seçilib.