Pakistan rəsmiləri yüzlərlə militantın Əfqanıstandan Pakistanın sərhəd postlarına hücum edərək azı 26 nəfəri öldürdüklərini bildirirlər.
Rəsmilər şənbə günü baş verən döyüşlərdə azı 9 militantın öldürüldüyünü xəbər verirlər.
Hücumlar Əfqanıstanın Nuristan vilayəti ilə həmsərhəd Çitral vilayətinin Arando kəndində başlayıb. Militantlar daha sonra sərhəd boyunca bir neçə əlavə posta hücum ediblər.
Son zamanlar sərhəd boyu reydlər Pakistan və Əfqanıstan hökumətləri arasında münasibətləri gərginləşdirib.
