Liviyanın müvəqqəti hökumətinə sadiq qüvvələr Müəmmər Qəzzafinin yerdə qalan istehkamlarından müqavimətlə üzləşirkən, Milli Keçid Şurası bir sıra sınaqlarla qarşılaşır.
Şuraya məxsus könüllü döyüşçülər dünən minamyotlardan və snayperlərdən atəşə məruz qaldıqdan sonra Qəzzafi loyalistlərinin istehkamlandığı Bəni Valid qəsəbəsindən dağınıq halında qaçıblar.
Nizami qüvvələr Bəni Validi ala bilmədikdən sonra bundan bir gün əvvəl geri çəkilməyə məcbur olmuşdular. Cəbhədə qalmağa üstünlük verən könüllülər ağır artilleriya atəşinə məruz qalmışdılar.
Qəzzafinin doğma yurdu Sirtdə inqilabçı qüvvələr şiddətli müqavimətlə üzləşiblər.
