Səfərimin ilk dayanacaq nöqtəsi nəhəng ağacların məskəni Kings Canyon Milli Parkı oldu. Kaliforniyanın şərqində Fresno adlı şəhərin yaxınlığında yerləşən bu park Yosemite vadisinə oxşarlığıyla seçilir. Parka giriş 35 dollardır. Lakin, ABŞ Milli Parklarının illik üzvlük kartları olur ki, 80 dollar ödəməklə bütün il boyu ABŞ_dakı bütün milli parklara pulsuz daxil ola bilirsən. Mənim bu səfərimin əsas məqsədi milli parkları gəzməkdir deyə, mən də ilk iş olaraq bu illik kartdan birini almaq qərarına gəldim.