Bakının N.Nərimanov rayonu, Ceyhun Hacıbəyli küçəsi 2 ünvanında “Olympus Park“ layihəsini icra edən şirkət 4 mərtəbəli yaşayış binanı sökür. Binada ümumilikdə 33 ailə yaşayıb. Hazırda binada yaşayan sakinlər isə şirkətin təqdim etdiyi müqavilə ilə razılaşmadıqları üçün evlərindən çıxmırlar. Sakinlər şirkətin qanunsuz tikinti apardığını və zor tətbiq edərək digər qonşuları evdən çıxartdığını deyirlər. Onlar qaz və internet xəttlərinin şirkət tərəfindən kəsildiyini bildirir. Çəkiliş zamanı “Olympus Park”-ın əməkdaşları ərazidə olsalar da, onlardan münasibət öyrənmək mümkün olmadı.