“Burada insanlar cins itlərə üstünlük verdiyi üçün, xilas etdiyimiz küçə itlərini Nyu Yorka göndəririk”. "Baku Street Dog Rescue" adlı könüllü təşkilatı 2014-cü ildən fəaliyət göstərir. İkisi Azərbaycanlı üçü isə xaricdən gələn könüllülərdən ibarət kiçik komanda küçə itlərini xilas edib onlara lazım olan qayğını göstərməklə məşğuldur. "Baku Street Dog Rescue"-nun digər heyvansevər təşkilatlardan fərqləndirən odur ki, bu könüllülər xilas etdikləri itləri sağaldıb, onlara ingilis dilində bəzi təlimlər keçib tam hazır etdikdən sonra, xarici ölkələrə, əsasən də Amerikaya göndərirlər. Bunun da öz səbəbləri var. Təşkilatın könüllülərindən biri "Baku Street Dog Rescue"-nun fəaliyyəti haqqında Amerikanın səsinə danışıb.