Minority Azerbaijan layihəsinin təsisçilərindən biri olan Səməd İsmayılov Amerikanın Səsinə müsahibəsində ölkədəki LGBT fərdlərinin qarşılaşdığı çətinliklər və sevgilisi ilə paylaşdığı videoya görə təzyiqlərlə üzləşən Rəvan Nəsimi haqqında danışıb. Onun sözlərinə görə, Azərbaycan Avropada LGBT fərdlərinin həyat şəraiti və hüquqlarının ən pis vəziyyətdə olduğu ölkədir. O əlavə edib ki, buna səbəb ölkədəki həm iqtisadi-siyasi vəziyyət, həm təhsil sistemi, həm nifrət nitqi ilə müşaiyət olunan media, həm də hüquq-mühafizə orqanlarının LGBT təhlükəsizliyinə laqeyd yanaşmasıdır.