Avropa İttifaqı İran İnqilab Qvardiyasının artıq beş aydır prezident Bəşar Əl-Əsədin istefasını tələb edən aksiyaların qarşısının alınmasında hökumət qüvvələrinə yardım etdiyi üçün Suriyaya qarşı sanksiyaları genişləndirmək qərarına gəlib. İttifaqın bəyanatında deyilir ki, İranın Qüds Ordusu etiraz hərəkatlarının qarşısının alınması üçün Suriya təhlükəsizlik qüvvələrinə texniki təchizat və avadanlıqla yardım edir.
Avropa İttifaqının sanksiyalar siyahısına Suriyanın bir neçə generalı, sabiq müdafiə naziri, prezident Əsədin xüsusi nümayəndəsi Həsən Türkməni və prezidentin kiçik qardaşı Mahirin silahdaşları daxildir.
