Ictimai rəy sorğularına görə, ABŞ prezidenti Barak Obama ilk dəfə olaraq respublikaçı namizəd Mitt Romnidən irəlidədir.
ABC News-Washington Post –un keçirdiyi sorğular Obamanın 52, Romninin isə 43 faiz dəstək əldə etdiyini göstərib. 1000 adamın iştirak etdiyi sorğu onların 50 faizinin Obamanın işindən razı qaldığını müəyyən edib.
Dünən televiziya müsahibəsi zamanı ABŞ dövlət başçısı deyib ki, iş bazarındakı göstəricilər onun yenidən seçilməsinə layiq olduğuna işarədir.
NBC telekanalında danışan prezident Obama hazırda iqtisadiyyatın 3 il əvvəl onun hakimiyyətə gəldiyindən bəri daha yaxşı vəziyyətdə olduğunu deyib.
