Prezident Co Bayden ABŞ lideri kimi hakimiyyətinin sona çatması və prezident seçilmiş Donald Trampın dönəminin başlamasından bir neçə gün öncə Amerika xalqına vida müraciətini etdi. Bayden prezidentliyi dövründə daxili və xarici siyasətdə əldə etdiyi nailiyyətləri vurğuladı. Təkcə dörd illik prezidentlik müddəti deyil, ABŞ siyasətində 50 ilə yaxın siyasi karyerasına yekun vuran Bayden administrasiyasının əldə etdiyi nailiyyətlərin on illiklər sonra davam edəcəyinə ümid bəslədiyini bildirdi. Amerikanın Səsinin Ağ Evin bürosunun rəhbəri Patsi Vidakusvara məlumat verir.