ABŞ-ın Azərbaycandakı səfirliyi Fulbrayt Tələbə Proqramı üzrə 2024-2025-ci tədris ili üçün müsabiqəni açıq elan edib. Sənədlərin qəbulu iyulun 31-dək davam edəcək.
ABŞ-ın Azərbaycandakı səfirliyinin məlumatında deyilir ki, proqram Azərbaycandan olan gənc mütəxəssislərə magistr təhsili almaq üçün ABŞ universitetlərində bir il və ya daha uzun müddət təhsil almağa imkan verir.
“Fulbrayt qrantları müxtəlif fənlər və sahələr üçün mövcuddur lakin, aşağıdakı təhsil sahələrinə üstünlük veriləcək: STEM (Elm, Texnologiya, Mühəndislik, Riyaziyyat), kənd təsərrüfatı, təhsil, ətraf mühit elmləri, enerji, iqtisadi inkişaf, jurnalistika və ünsiyyət, dövlət idarəçiliyi, dövlət siyasəti, xalq sağlamlığı, sosial iş, şəhərsalma, turizm, qanun”.
Məlumata görə, Beynəlxalq Təhsil İnstitutu tələbələrin ABŞ universitetlərində yerləşdirilməsi tələbi və təsdiqinə cavabdehdir.
“İştirakçılar açıq, ləyaqətə əsaslanan müsabiqə yolu ilə seçilir. Bu nüfuzlu mükafat ABŞ universitetində təhsil və ödənişləri, aylıq yaşayış təqaüdünü, sağlamlıq sığortasını və beynəlxalq aviabiletləri əhatə edir”.
Müsabiqəyə müraciət edənlər Azərbaycan Respublikasının vətəndaşı olmalı və ya etibarlı Azərbaycan pasportuna malik olmaq üçün daimi rezident olmalıdırlar. ABŞ-da daimi yaşayanlar və ikili (Azərbaycan və ABŞ) vətəndaşlığı olan şəxslər uyğun deyil. Müraciət edənlər Azərbaycanda yaşamalıdırlar. Ərizəçilər bakalavr təhsilini başa vurmuş olmalıdırlar. Ərizəçilər şifahi və yazılı ingilis dilini bilməlidirlər. Ərizəçilər J-1 vizası almaq hüququna malik olmalıdırlar ki, bu da qrant müddətinin sonunda qrant alanın minimum iki il ərzində Azərbaycana qayıtmasını tələb edir. Artıq ABŞ-da təhsil alan abituriyentlər Fulbrayt qrantı üçün uyğun deyillər. Ərizəçilər qənaətbəxş tibbi arayış almalıdırlar. Seçilmiş abituriyentlər immunizasiya da daxil olmaqla ABŞ universiteti və sağlamlıq tələblərinə cavab verməlidir. Seçilmiş ərizəçilər COVID-19-a qarşı tam peyvənd olunduğunu sübut etməlidirlər.
Rəsmi məlumatlara görə, hər il Azərbaycan tələbələri, tədqiqatçıları və müəllim heyətinə müxtəlif sahələrdə təxminən 15 Fulbrayt təqaüdü təqdim edilir.
"Azərbaycanda Fulbrayt proqramının məzunlar şəbəkəsi 180 Fulbrayt proqramının tələbəsi, 120 alim, 40 "Humphrey" proqramının mütəxəssisi və 50 TEA proqramının müəllimi ilə təmsil olunur.
Azərbaycanın təhsil naziri Emin Əmrullayev, BMT-nin Rezident Əlaqələndiricisi Ofisinin Tərəfdaşlıq və İnkişaf üzrə maliyyə müşaviri Şəms Mustafayeva, Qafqaz Regional Ekoloji Mərkəzinin proqram meneceri Tomris Bayramova və İqtisadi Tədqiqatlar Mərkəzinin təsisçisi Qubad İbadoğlu başda olmaqla məzunlarımızla fəxr edirik," ABŞ-ın Azərbaycandakı Səfirliyi 2021-ci ildə Fulbrayt Proqramının yaradılmasının 75-ci ildönümü və Azərbaycanda fəaliyyət göstərməsinin 26 illiyində qeyd edib.
