İranda artıq 3 aydır ölkə boyu davam edən etirazlar son illərdə ən genişmiqyaslı, əhalinin demək olar bütün təbəqələrinin iştirak etdiyi nümayişlərdir. Eyni zamanda bu, İran rejimi qarşısında 1979-cu ildə islam inqilabından sonra ən ciddi sınaqlardan biri hesab edilir. Tanınmış dissident, müxalif siyasətçi Həsən Şəriətmədari Amerikanın Səsinə müsahibədə İranda etirazlar, azərbaycanlıların istəkləri və hadisələrin mümkün nəticələri haqda danışıb.