Avstraliyada vizası rədd edildikdən sonra immiqrasiya idarəsində saxlanılan serb tennisçi Novak Cokoviç sərbəst buraxılıb. Avstraliya məhkəməsi ulduz idmançıya viza verilməməsini “etibarsız” hesab edib. Avstraliya Açıq Tennis Turnirində iştirak etmək üçün Avstraliyaya səfər edən Cokoviçin koronavirusa qarşı peyvəndi olmadığı səbəbilə, tibbi arayışı olmasına baxmayaraq, ölkəyə girişi qadağan edilib. Ədliyyə binası qarşısında gözləyən serb mühacir Cokoviç azarkeşləri məşhur idmançının sərbəst buraxılması xəbərini böyük sevinclə qarşılayıblar.