Sentyabrın 22-dən orta məktəblərdə dərslər başlayacaq. Artıq indidən valideynlər mağazalara axın edərək məktəb üçün tədarük görürlər. Bəs məktəbli bazarında qiymətlər necədir, ümumiyyətlə dolu bir məktəbli çantası neçəyə başa gəlir? Yeni tədris ilinin başlayacağı ilə bağlı verilən qərarın ardından valideynlər alış veriş üçün mağazalara üz tutublar. Məktəbli ləvazimatlarının qiymətləri isə fərqlidir. Hər bir ləvazimatın qiyməti keyfiyyətinə və istehsal ölkəsinə görə dəyişir. Məktəblilər üçün lazım olan digər bir vasitələr dəftər qələmlərdir. Bunların qiyməti isə 10 qəpikdən başlayır. Digər xırda məktəbli ləvazimatları da var ki, onların da qiymətləri markasına görə dəyişir.