Bu gün Azərbaycan müsəlmanları Qurban bayramını qeyd edirlər. Amma əvvəlki illərdən fərqli olaraq bu il koronavirus pandemiyasına görə Azərbaycanda məscidlrdə kütləvi bayram namazı qılınmayacaq. Bundan əlavə, heyvanların bazar mərkəzlərində xüsusi müəyyən edilmiş yerlərdən kənarda kütləvi satışı və kəsimi qadağan olunub. Hər il qurban bayramını xüsusi ilə gözləyən satıcılar isə bu il satışın əvvəlki illərə nisbətən aşağı olduğunu qeyd edirlər. Qeyd edək ki, bayram Azərbaycanda rəsmi iki gün davam edəcək.