İyunun 4-də Xətai Rayon Məhkəməsində “Azadlıq” qəzetinin müxbiri, Xalq Cəbhəsi Partiyasının üzvü Təzəxan Mirələmliyə qarşı cinayət işi üzrə məhkəmə prosesi keçirilib. Qeyd edək ki, T.Mirələmli Cinayət Məcəlləsinin 221.1-ci (xuliqanlıq) maddəsi ilə ittiham olunur. Ona qarşı cinayət işi özünü “videobloger”kimi təqdim edən Ata Abdullayevin şikayəti əsasında başlanıb. Çəkişmənin predmeti fevralın 26-da AXCP fəallarının Xocalı soyqırımı qurbanları Memorialını ziyarəti zamanı baş vermiş insidentdir. Növbəti məhkəmə prosesi iyunun 18-nə təyin edilib.