Tural Hüseyn artıq 3 ilə yaxındır ki, əsasən azərbaycanlılar və Azərbaycan tarixinə aid tarixi ağ-qara fotoların rənglənməsi ilə məşğul olur. Əsas peşəsi qrafik-dizayner olsa da, bu işə hobbi olaraq zaman ayırır. Bu işlə məşğul olan zaman rastlaşdığı əsas çətinlik isə keyfiyyətli tarixi fotoları tapmaqdır. Fotoları bərpa etmək üçün işin texniki tərəflərini bilmək kifayət etmir, həmin şəklin çəkildiyi dövrü də yaxşı bilmək lazım gəlir. Tural Hüseyn ötən ilin noyabrda rənglədiyi Azərbaycan müəllimlərinin qurultayında çəkilmiş fotoda Məhəmməd Əmin Rəsulzadənin yer aldığı kiçik hissəni 28 may Cümhuriyyət Günü münasibətilə yenidən və daha detallı rəngləyib.