"Azerbaijan Design Award" layihəsinin final gecəsi keçirilib. Artıq ikinci ildir ki, keçirilən layihəyə bu il 6 ölkədən 400-dən artıq dizayner qatılıb. Bu rəqəmlər keçən ilə nisbətən 50% çoxdur. Layihənin həmtəsisçisi və müəllifi Rəhim İsmayilov deyir ki, bu Azərbaycanda dizaynerlərin inkişafına və dizayn keyfiyyətinin yüksəldilməsinə yönəldilib. Təşkilatçılar layihəni daha da genişləndirməyi və həm də layihənin davamı olaraq, bu il Yay festivalı təşkil etməyi planlaşdırırlar.