Ana südü, saçlar… Bunları özünüzə yadigar saxlamaq barədə heç düşünmüsünüz? Afət Məmmədova bir neçə ildir bu komponentləri birləşdirib, kulonlar yaradaraq bunu etməyi bacarıb. O hesab edir ki, yaratdığı kulonlar ən azı foto qədər insanda xatirə yarada bilər. Afətin bu işlə məşğul olması təsadüfi olub. Zamanla əl işləri digər anaların da diqqətini cəlb edib. Ona görə də, Afət öz hobbisini mini biznesə çevirmək qərarına gəlib. Hər yaradılan kulon isə, sahibinin xüsusi hekayəsi əsasında edilir.