Oktyabrın 30-da ABŞ Konqresində beynəlxalq ictimaiyyət tərəfindən tanınmamış “Dağlıq Qarabağ Respublikasının” müstəqillik gününə həsr olunmuş tədbir keçirilib. Tədbirdə özünü qurumun xarici işlər naziri kimi təqdim edən Masis Mayiliyan iştirak edib. Konqresin Rayburn binasının önündə bir qrup azərbaycanlı etiraz aksiyası keçirib. Azərbaycan Xarici İşlər Nazirliyi yaydığı bəyanatda “işğal olunmuş Dağlıq Qarabağ bölgəsində yaradılmış qanunsuz rejimin təmsilçisi Masis Mayilyanın ABŞ ərazisinə daxil olması ilə əlaqədar” etirazını bildirib.