Şənbə günü İŞİD lideri Əbu Bəkr Bağdadinin ölümü ilə nəticələnən reyd haqda daha dəqiq məlumatlar əldə edilir. Bir zamanlar özünü xəlifə elan edən Bağdadi tuneldə aşkar edilib. Çıxış yolu olmayan İŞİD lideri özünü və 3 uşağını partladıb. ABŞ rəsmiləri hazırda reydin detallarını nəzərdən keçirir və İŞİD-ə qarşı mübarizənin tam şəkildə davam etdirilməsi yolunda resursların müdafiəsi planları üzərində işləyir.