ABŞ prezidenti Donald Tramp və dövlət katibi Mayk Pompeo Səudiyyə Ərəbistanı liderlərinin jurnalist Camal Xaşuqcinin yoxa çıxması ilə bağlı hər hansı əlaqələri olduğunu inkar etdiklərini bildirib. ABŞ-da yaşayan səudiyyəli jurnalist Camal Xaşuqcini sonuncu dəfə oktyabrın 2-də Səudiyyə Ərəbistanının İstanbuldakı konsulluğuna daxil olduğu zaman görüblər. Pompeo Ər-Riyad və Ankarada danışıqlar keçirirkən tam təhqiqat aparılmasına çağırıb. Beynəlxalq insan hüquqları müdafiəçiləri və ABŞ qanunvericiləri isə bunun Səudiyyə Ərəbistanı üçün nəticələri olmalı olduğunu bildirir.