Yunus Şamili fevralın 26-da İranda keçirilmiş seçkiləri islahatçılar ya mötədillər və fundamentalistlər arasında bir yarış olmaqdan daha çox Həsən Ruhani hökümətinin tərəfdarları və bu hökümətə qarşı olanlar arasında cərəyan etmiş bir rəqabət kimi görür. Güneyli yazar və siyasi şərhçi Amerikanın Səsinə söhbətdə İranda Parlament və Xübrələr (Ekspertlər) Məclisi seçkilərinin nəticələrini şərh etməklə yanaşı müxtəlif siyasi cərəyanların seçkilər vasitəsilə əldə etdiyi siyasi ağırlıqdan əlavə etnik faktorun oynadığı rolu da dəyərləndirib.