“Bu gözlənilən həbs idi. Qardaşımı oxşar maddə ilə fevralda həbs etmişdilər. O vaxt geri çəkilmişdilər,” deyə Natiq Ədilov qardaşının həbs olunması barədə Amerikanın Səsinə müsahibədə bildirib. “Azadlıq” qəzetinin və “Azərbaycan Saatı”ı proqramının əməkdaşı Natiq Ədilovun Sabirabaddakı ata evinə silahlı polis qüvvələri reyd keçiriblər. Evdə axtarış aparan qüvvələr evdə narkotik tapdıqlarını iddia edərək AXCP fəalı Murad Ədilovu naməlum istiqamətdə aparıblar.