“Həsən Ruhaninin prezident seçilməsindən sonra bəzi iranlı siyası məhbusların vəziyyəti yaxşılaşıb, amma azərbaycanlı məhbuslarla bağlı heç nə dəyişməyib.” Bu, Kərəcin Rəcayi-şəhr zindanında saxlanılan doqquz il həbsə məhkum olmuş Yeni GAMOH təşkilatı liderlərindən biri olan Mahmud Fəzlinin həyat yoldaşının sözləridir.  Barış Heydəri Amerikanın Səsinə müsahibədə ötən dekabrın 31-dən həbsdə saxlanılan həyat yoldaşı və Yeni GAMOH-un digər dörd liderinin durumunu şərh edib. O, həmçinin doqquz aydan artıqdır atasının evə dönməsini gözləyən kiçik oğlu Atilla haqda danışıb.