Cəmil Həsənlinin yekun mətbuat konfransı

Milli Şuranın prezidentliyə vahid namizədi Cəmil Həəsnli seçki kampaniyasını qeyri-demokratik və ədalətsiz kimi qiymətləndirib. O dövlət büdcəsindən maliyələşən medianı, eyni zamanda digər media orqanlarını balansı kəskin surətdə pozaraq iqtidarınn namizədi hazırkı prezident İlham Əliyevin xeyrinə təşviqat aparmaqda günahlandırıb. Həsənli səsvermənin nəticələri saxtalaşdırılarsa mövcud qanunlar çərçivəsində mübarizəsini davam etdirəcəyini bəyan edib. Cəmil Həsənli Amerikanın Səsinin sualının cavabında səsvermənin nəticələri saxtalaşdırıldığı halda qanunvericilikdə nəzərdə tutulan bütün hərəkətlərin, o cümlədn kütləvi aksiyaların olacağını bildirib.