Elmar Hüseynovun qəbri başında Amerikanın Səsinə müsahibə verən Turan İnformasiya Agentliyinin direktoru Mehman Əliyev deyib ki, jurnalistlərin qətlinə və onlara qarşı digər cinayətlərə görə cəzasızlıq azad mətbuata qarşı yeni hücumlara təşviq edir. O, hakimiyyətin vətəndaş cəmiyyəti və media ilə dialoq qurmaq istəməməsinə və azad mətbuatın inkişafında maraqlı olmamasına diqqət çəkib. Əliyev hakimiyyəti mediaya qarşı təzyiqlərə son qoymağa və həbs edilmiş 7 jurnalisti azad etməyə çağırıb.