Azərbaycan Milli Məclisinin deputatı Rasim Musabəyov Amerikanın Səsinə müsahibəsində Prezident Administrasiyasının rəhbəri Ramiz Mehdiyevin İrana səfərinin nəticələrini şərh edib. Onun fikrincə, Mehdiyevin səfəri Azərbaycan xarici işlər naziri Elmar Məmmədyarovun İsrailə səfəri ilə bağlı İranın mövqeyini liberallaşdırmağa xidmət edib. Administrasiya rəhbəri İsrail-Azərbaycan danışıqlarının İrana qarşı olmadığını izah edib.