Vəkil İsaxan Aşurov adına ilk mükafata “Tolışi Sədo” qəzetinin həbs edilmiş baş redaktoru və hüquq müdafiəçisi Hilal Məmmədov layiq görülüb. Sülh və Demokratiya İnstitutu (SDİ) tərəfindən təsis edilmiş bu mükafatın təqdimetmə mərasimi martın 29-da EL hərəkatının ofisində keçirilib. Mükafat – Femida heykəlciyi redaktorun doğmalarının iştirakı ilə onun vəkili Ramiz Məmmədova təqdim edilib. Hilal Məmmədov məşhur “Tı kto takoy, davay, do svidanya” klipinin müəllifidir.