Yəmən prezidenti opponentlərini ölkəni vətəndaş müharibəsinə sürükləməyə çalışmaqda ittiham edir. Prezident Əli Abdulla Saleh iqtidar partiyasının istefaya çıxıb müxalifətə qoşulan üzvlərini korrupsiyanın simvolu adlandırıb. Silahlı qüvvələrin akademiyasının tələbələri qarşısında çıxışında Yəmən prezidenti opponentlərini Misir və Tunisdə vəziyyəti təkrarlamağa çalışmaqda ittiham edib. Bu arada, Yəməndə ölkə boyu prezident Salehin hakimiyyəti əleyhinə tətil və dinc nümayişlər keçirilir.
