Bu gün Ukrayna baş naziri Arseniy Yatsenyuk Kiyevin siyasi böhranına son qoyaraq yeni hökumətin formalaşdırılmasına yol açılması üçün istefaya getdiyini bəyan edib.
Televeziya vasitəsilə yayımlanan çıxışında və Twitter-də Yatsenyuk deyib ki, o, gələn həftə parlament tərəfindən təsdiq edilməli olan istefasının Ukraynaya yeni seçki, konstitusiya və ədliyyə sistemi islahatları gətirəcəyinə və Avropa İttifaqı, eləcə də NATO-ya qoşulmaq imkanı yaradacağına ümid edir.
Baş nazir hökumətindəki siyasi böhranın süni şəkildə şişirdildiyinə görə istifa verdiyini bildirib. "Məni vəzifəmdən uzaqlaşdırmaq üzərində diqqətini cəmləşdirən siyasətçilər ölkəyə real dəyişikliklər gətirmək vədlərini unutmuşdular" - deyə Yatsenyuk bildirib.
Yatsenyukun kabineti fevral ayında etibarsızlıq səsverməsindən üzüağ çıxsa da, iki partiya koalisiyanı tərk etmişdi. Yatsenyuk ölkənin pisləşən iqtisadiyyatı və islahatların asta getməsinə görə sərt tənqidlərə məruz qalırdı.