Bu gün Amerikada Xatirə günü qeyd edilir.
Məktəblər və bir sıra idarələr bağlıdır. Bu həftə 3 günlük istirahətlə rəsmi tətil mövsümü başlayır.
Xatirə günü may ayının son bazar ertəsi günü qeyd edilir. Konqres Xatirə gününü rəsmi bayram kimi 1971-ci ildə elan edib.
ABŞ prezidenti Donald Tramp Xatirə günü münasibətilə hərbi münaqişələrdə həlak olmuş çox sayda hərbçinin dəfn olunduğu Arlinqton Milli Qəbiristanlığında təşkil edilmiş mərasimə qatılıb.
Mərasimdən öncə Tramp bildirib ki, "vətən üçün canından keçənlər bu gün ölkələrinin vəziyyətindən qürur duymalıdır."
Happy Memorial Day! Those who died for our great country would be very happy and proud at how well our country is doing today. Best economy in decades, lowest unemployment numbers for Blacks and Hispanics EVER (& women in 18years), rebuilding our Military and so much more. Nice!
— Donald J. Trump (@realDonaldTrump) May 28, 2018
Xatirə gününün təməli 1865-ci ildə vətəndaş müharibəsinin başa çatması ilə qoyulub.
O zaman 250 əsgər Cənubi Karolina ştatının Çarleston şəhərindəki kütləvi məzarlıqdan çıxarılaraq, dəfn edilmişdi.