Martın 20-də Vaşinqton şəhərinin tarixi Meridian Beynəlxalq Mərkəzində Azərbaycan, Qazaxıstan, Qırğızıstan, Tacikistan, Türkmənistan və Özbəkistan səfirlikləri birlikdə Novruz bayramını geniş şəkildə qeyd edib.
Vaşinqtonda Novruz bayramı
Azərbaycanın ABŞ-dakı səfirliyinin məlumatına görə tədbirdə diplomatik korpusun və ictimaiyyətin nümayəndələri, o cümlədən ABŞ administrasiyası və Konqresin rəsmiləri iştirak edib.
Meridian mərkəzinin rəhbəri səfir Stüart Holidey bildirib ki, Novruz bayramı dostluq, sülh və əməkdaşlığın təzahürüdür.
Amerikanın paytaxtında altı dövlətin bir araya gələrək Novruz bayramını birlikdə qeyd etməsi bu kimi dostluq və əməkdaşlığın göstəricisi və bu bayram xalqları birləşdirən bir dəyər kimi qiymətləndirilib.
Bayram şənliyi Azərbaycan və Orta Asiya ölkələrinin incəsənət ustalarının iştirakı ilə davam etdirilib.