Türkiyədə terrorizm və casusluq ittihamları ilə həbs edilmiş amerikalı keşiş ev dustağı edilib.
ABŞ-ın Şimali Karolina ştatından olan Endrü Branson iki il həbsdə saxlanılıb. Onun həbsi NATO üzrə müttəfiq olan ABŞ və Türkiyə arasında münasibətlərdə gərginliyin yaranmasına səbəb olub.
Məhkəmənin Bransonun həbsxanadan ev dustaqlığına buraxılması haqda qərarından bir qədər sonra Türkiyənin DHA və NTV tele-kanalları onun İzmir şəhərində müşayiət altında həbsxanadan çıxarıldığını göstərən video görüntülər yayımlayıb.
We welcome long overdue news that Pastor Brunson has been moved from prison to house arrest in #Turkey, but it is not enough. We have seen no credible evidence against Mr. Brunson, and call on Turkish authorities to resolve his case immediately in a transparent and fair manner. pic.twitter.com/So2A4hfinZ
— Secretary Pompeo (@SecPompeo) July 25, 2018
ABŞ dövlət katibi Mayk Pompeo Endrü Bransonun həbsxanadan çıxarılaraq ev dustağı kimi saxlanması haqda qərarı məmmunluq hissi ilə qarşıladığını, lakin bu addımın kifayət olmadığını bildirib.
“Biz pastor Bransonun Türkiyədə həbsxanadan ev dustaqlığına buraxılması haqda uzun zamandır gözlədiyimiz qərarı alqışlayırıq, lakin bu, yetərli deyil. Biz cənab Bransona qarşı kifayət qədər dəlil olduğunu görmürük və Türkiyə rəsimlərini onun işini şəffaf və ədalətli şəkildə həll etməyə çağırırıq”, Pompeo Twitter səhifəsindəki mesajında yazıb.
Branson ABŞ-da yaşayan və Türkiyənin 2016-ci il çevriliş cəhdində təqsirləndirdiyi din xadimi Fəthullah Güləni dəstəkləmək ittihamı ilə həbsdə saxlanılırdı. Gülən çevrilişdə əli olduğunu inkar edir.