Türkiyə çərşənbə axşamı bildirib ki, Suriyanın şimal-şərqində hərbi əməliyyata hazırlıq işlərini tamamlayıb. Ankaranın bu açıqlaması ABŞ-ın qoşunlarını ərazidən çıxarmağa başlamasından sonraya təsadüf edir ki, belə bir addım uzun müddət Vaşinqtonla müttəfiq olan kürd qüvvələrə qarşı əməliyyatlara zəmin yaradıb.
Şahidlər çərşənbə axşamı Suriyanın Tel Abyad şəhərinin qarşısında olan Türkiyə sərhəd şəhəri Akçakale yaxınlığında aktiv hərbi fəaliyyət əlaməti olmadığını söyləyir.
Əgər Türkiyə limitləri aşsa, onun iqtisadiyyatını tamamilə məhv edəcəyəm.Donald Tramp, ABŞ Prezidenti
Səhra müdafiə qurğularını məhv etmək üçün artilleriya silahı olan haubitsalar Akçakaledə sərhədin Türkiyə tərəfindəki yer örtüklərinin arxasında yerləşdirilərək Suriyaya tərəf yönləndirilib, raket atıcıları və digər artilleriya silahları başqa bir sərhəd şəhəri olan Suruc bazalarına tərəf yönləndirilib.
ABŞ prezidenti Donald Trampın oktyabrın 6-da 50 amerikan xüsusi təyinatlı əsgərlərini sərhəd bölgəsindən çıxarmaq qərarından sonra NATO müttəfiqinin Suriyada hərəkətə keçdiyi halda Türkiyə iqtisadiyyatını "məhv edəcəyi" barədə xəbərdarlıq edib.
ABŞ-ın qoşunlarını çıxarması Suriyadakı əsasən kürdlərdən ibarət qüvvələri Türkiyə Silahlı Qüvvələrinin potensial hədəfinə çevrilməsinə yol aça bilər. Belə ki, Türkiyə bu qüvvələri uzun müddət əleyhinə savaşdığı Kürdüstan Fəhlə Partiyası (PKK) ilə əlaqələndirir.
Suriyanın şimalında istehkamlanmış əsasən kürdlərdən ibarət Suriya Demokratik Qüvvələri (SDQ) ABŞ-ın İŞİD-ə qarşı mübarizəsində önəmli rol oynayıb.
Trampın qüvvələri Suriyadan çıxarmaq qərarı Kapitlidə qanunvericilər tərəfindən kəskin reaksiyalarla qarşılanıb.
Senator Lindsey Qraham
Trampın yaxın müttəfiqi sayılan Lindsey Qraham bu adddımı Amerikanın “şərəfinə ləkə” adlandıraraq prezidentin qərarının məsuliyyətsiz olduğunu bildirib.
Onun sözlərinə görə belə bir addım Amerikanın indiyədək əldə etdiyi nailiyyətləri israf edərək regionu daha bpyük xaosa sürükləyəcək.
ABŞ Senatında Respublikaçı çoxluğun lideri Mitç Makkonnell də Trampın əsgərləri çıxarmaq qərarını pisləyib.
“ABŞ qüvvələrinin Suriyadan tələsik çıxarılması yalnız Rusiya, İran və Əsəd rejiminin marqlarına xidmət edəcək,” Makkonnell bildirib. “Bu addım İŞİD və başqa terror qruplarının toparlanması riskini artırır.”
Tramp Tvitterdə yazdığı mesajda Amerikanın “cəfəng sonsuz müharibələrdən” yaxa qurtarmasının vacibliyini vurğulayıb.
....almost 3 years, but it is time for us to get out of these ridiculous Endless Wars, many of them tribal, and bring our soldiers home. WE WILL FIGHT WHERE IT IS TO OUR BENEFIT, AND ONLY FIGHT TO WIN. Turkey, Europe, Syria, Iran, Iraq, Russia and the Kurds will now have to.....
— Donald J. Trump (@realDonaldTrump) October 7, 2019
“Türkiyə, Avropa, Suriya İran Rusiya və kürdlər situasiyanı özləri çozməli və qonşuluqda əsir götürülmüş İŞİD döyüşçüləri ilə nə etməli olduqlarını özləri həll etməlidirlər,” o yazıb. “Biz 7000 mil uzaqdayıq və əgər İŞİD həndəvərimizə gəlsə yenidən onu əzəcəyik!”
Çərşənbə axşamı Suriyadakı addımla bağlı çoxsaylı tənqidlərin qarşısında Tramp Türkiyəni müdafiə edib.
"Çoxları unudur ki, Türkiyə bizim böyük ticarət tərəfdaşımızddır," Tramp bildirib.
Eyni zamanda Tramp Türkiyə Suriyanın şimalına hücum edərsə, həmin ölkənin iqtisadiyyatını viran qoyacağı ilə bağlı hədəsini təkrarlayıb.