Tehranda Səhəndin əlyazmalarının külliyatı nəşr olunub
Bu günlərdə Tehranda “Səhənd” təxəllüsü ilə tanınan məşhur güneyli şair Bulud Qaraçorlunun əsərlərinin küliyyatı nəşr olunub. Səid Muğanlının redaktorluğu altında hazırlanan “Qardaş Andı” kitabı şairin ailə üzvlərindən və yaxınlarından onun yaradıcılığına dair indiyədək işıq üzü görməmiş bir çox əlyazmaları özündə əks etdirir. Haray proqramının qonağı Həsən Umudoğlu Amerikanın Səsinə müsahibədə kitab üzərində gedən redaktə işləri və göstərilən səylərin məramları haqda fikirlərini paylaşır.
