Fələstinlilərin prezidenti İsraili sülhlə tikinti arasında seçim etməyə çağırıb
İsrailin İordan çayının qərb sahilində tikinti işlərinin dondurulmasına qoyduğu 10 aylıq müddət bu gün başa çatır. Bu isəYaxın Şərq sülh danışıqlarının son raunduna təhlükə yaradır. Fələstinlilərin liderləri inşa işləri bərpa olunacağı təqdirdə danışıqlara davam etməyəcəklərini açıqlayıb. Fələstinlilərin prezidenti Mahmud Abbas BMT Baş Assambleyasında çıxışı zamanı deyib ki, İsrail genişlənmə və dominantlıq mentaliteti fələstin xalqını və daha geniş kütləni regionda problemlərin həllinin qarşısını alan zorakılığa və münaqişəyə təhrik edir.Onun sözlərinə görə, İsrail sülh və ya tikintinin davamı arasında seçim etməlidir.