İspaniyadakı etirazçılar Sosialist hökumətinin keçən həftə keçirilən seçkilərdə məğlub olmasına baxmayaraq, Madridin Puerto Del-Sol meydanında iki həftəlik aksiyalarını davam etdirəcəklərini bildiriblər.
Dünən gecə meydanda saldıqları düşərgəni çərşənbə axşamınadək saxlamaq üçün yüzlərlə insan səs verib. Ölkənin müxtəlif şəhərlərində də etiraz aksiyalarının bir neçə gün davam edəcəyi bildirilir. İşsizliyin artması və hökumətin iqtisadiyyat sahəsində kəskin ölçülər götürməsinə qarşı ölkə boyu minlərlə insan etiraz aksiyaları keçirir.