Türkiyə prezidenti Rəcəb Tayyib Ərdoğan fevralın 18-də Azərbaycana səfər edəcək.
Türkiyənin Anadolu agentliyinin yaydığı məlumata görə, Türkiyə prezidenti Gəncədə Türkiyə-Azərbaycan Yüksək Səviyyəli Strateji Əməkdaşlıq Şurasının iclasında iştirak edəcək.
Görüşlərdə ikitərəfli əlaqələr, Dağlıq Qarabağ münaqişəsi, regional və beynəlxalq sahədə münasibətlər əhatəli şəkildə müzakirə olunacaq.
Müxtəlif sənədlərin də imzalanması nəzərdə tutulur.