Səfərdə məqsəd seçki ərəfəsi ölkədəki siyasi mühiti qiymətləndirməkdir
Avropa Şurası Parlament Assambleyasının (AŞPA) Azərbaycanda parlament seçkilərini müşahidə edəcək missiyası sentyabrın 22-də Bakıya gəlir.
Nümayəndə heyətinə İspaniyadan Jordi Xuclà rəhbərlik edir. Qrupa Almaniyadan Franck Schwabe, Makedoniyadan Aleksandar Nikoloski, İspaniyadan Agustín Conde və Türkiyədən Egemen Bağış daxildir.
Agustín Conde həm də Azərbaycan üzrə həmməruzəçidir.
AŞPA-nın məlumatına görə, səfərdə məqsəd seçki ərəfəsi ölkədəki siyasi mühiti qiymətləndirməkdir.
Nümayəndə heyəti sentyabrın 25-dək bir sıra görüşlər keçirəcək.
Azərbaycanda növbəti parlament seçkiləri bu il noyabrın 1-nə təyin edilib.