Vaşinqtonda yerləşən Cons Hopkins Universitetinin tələbəsi Coşua Nunanı Azərbaycana sıx tellər bağlayır. Əvvəlcə Sülh Korpusu, sonradan isə Fulbrayt təqaüdçüsü qismində Çoşua Azərbaycanda aylarla vaxt keçirib.
Azərbaycan türkcəsində sərbəst danışan azsaylı amerikalılardan biri dilə Şəki bölgəsində yaşayarkən yiyələnib. Ona görə də Coşuanın danışığında arabir şirin Şəki ləhcəsini sezmək olur.
Coşuanın sözlərinə görə Azərbaycanda yaşamaq ona hyat boyu unutmayacaq bir təcrbə bəxş edib. Orada çoxsaylı dostlar qazandığını söyləyən Coşua taleyinin Azərbaycana bağlı olduğunu vurğulayır. Coşua tezliklə ikinci vətəninə çevrilmiş Azərbaycana qayıdacağına ümid bəslədiyini deyir.
Vaşinqtonda açıq havada bizimlə görüşən Coşua Amerikanın Səsinə müsahibə verib.
