Seçkilərdə müşahidəçilərin hüquqları hansılardır?

Milli Məclisə növbədənkənar seçkilərlə əlaqədar təxmini 65 min nəfərə yaxın yerli və 850-ə yaxın beynəlxalq müşahidəçi qeydiyyatdan keçib. Bəs müşahidəçilərin hüquqları hansılardır? Mərkəzi Seçki Komissiyasının keçmiş üzvü Akif Qurbanov deyir ki, heç nədən asılı olmayaraq, bütün müşahidəçilərin hüquq və vəzifələri bərabərdir. Onlar müşahidəçilik prinsiplərinə əməl edərək, tərəfsiz olmalıdırlar və verdikləri rəylər faktlara əsaslanmalıdır. Seçkiləri izləmə mərhələsi artıq seçki günündən çox qabaq, seçkiqabağı proseslər zamanından başlayır və seçkidən sonra da ehtiyac olarsa davam edə bilər.