Azərbaycanın Biləsuvar buraxılış məntəqəsində (Bakıdan 179 kilometr cənub) gömrükçülər ölkədən İrana 11 ədəd bağlamada ümumi çəkisi 7 kiloqram qızılın keçirilməsinin qarşısını alıb.
Dövlət Gömrük Komitəsinin məlumatında bildirilir ki, qızıl Azərbaycan vətəndaşı Vidadi Cəfərova məxsus "Prado" avtomobilinin motor hissəsində gizlədilib. Qızıl avtomobilə rentgen qurğusu ilə baxış zamanı aşkar edilib.
Faktla bağlı araşdırma aparılır.