Bazar ertəsi ABŞ-ın Corciya ştatında erkən səsvermə başlayır. Seçkilərin ikinci turundan sonra yanvar ayında yeni müddətə başlayacaq ABŞ Senatında hansı siyasi partiyanın çoxluq təşkil edəcəyi müəyyənləşəcək.
Demokratlar iki Respublikaçının heç birinin noyabrda keçirilən ümumi seçkilərdə qələbə qazana bilməməsindən sonra onlar ilə mübarizəni davam etdirir.
Hazırda Respublikaçılar 100 yerlik Senatda 48 yerə malikdir. Ancaq prezident seçkilərində Demokratın qalib gəlməsi və vitse-prezidentin səsvermədə iştirak etmə imkanı qazanması ilə Senatdakı 50-50 bərabərliyi pozan natarazlıq aradan qalxmış olmaqla yanaşı, Demokratlar hər iki Corciya mandatını qazanaraq çoxluğa sahib ola bilər.
Demokratların Nümayəndələr Palatasında çoxluq təşkil etməsindən sonra hər iki partiya üçün gələcək illərdə ABŞ siyasətinin gedişatını təyin etmək üçün bu seçkilər çox əhəmiyyətlidir.
Bir qarşıdurmada Demokrat Rafael Vornok Respublikaçı senator Kelli Loefllerə qalib gəlməyə çalışır, digərində isə Demokrat Con Ossoff Respublikaçı senator David Perdüya meydan oxuyur.
Noyabr ayında insanlar koronavirus pandemiyası fonunda böyük seçki günü izdihamdan qaçmağa çalışdığına görə erkən səsvermədə iştirak edən ştatlardan biri də Corciya idi.
Corciyada təxminən 5 milyon səsin yarısından çoxu erkən səsvermənin ilk günü 125 000 də daxil olmaqla, seçki gününə qədər verilmişdi.
Seçicilər ştatın bəzi bölgələrində dekabrın 31-nə qədəd səs verməlidir. Səsvermənin ikinci turu yanvarın 5-nə təyin edilib.
Onilliklər boyu Respublikaçılara səs verən Corciya ştatını 3 noyabr prezident seçkilərində Demokrat Co Bayden cüzi fərqlə qazanıb.