Şəkiyə gəlmiş çoxsaylı insan məhkəmə binasına buraxılmır
Jurnalistlər məhkəməyə buraxılmayıb.
******
Noyabrın 4-də yerli vaxtla saat 14.00-da Şəki Ağır Cinayətlər Məhkəməsində İsmayıllı hadisələri ilə bağlı məhkəmə prosesi üzrə hazırlıq iclası olacaq. Artıq Şəki Ağır Cinayətlər Məhkəməsinin ətrafında çoxsaylı polis-patrul avtomobilləri və polislər var.
Your browser doesn’t support HTML5
Şəki məhkəməsinin qarçısında insanlar
Amerikanın Səsinin müxbirinin Şəkidən verdiyi xəbər görə, Bakıdan və İsmayıllıdan məhkəməni izləmək üçün çoxsaylı insanlar Şəkiyə gəlib. Şəkiyə gələnlər arasında REAL Hərəkatının, Müsavat Partiyasının, çoxsaylı gənclər təşkilatlarının fəalları var. Polis onların məhkəmə binasına daxil olmasına imkan vermir.
Yanvarın 23-də İsmayıllı şəhərində "Çıraq" hotelinin inzibatçısı Emil Şəmdinovun və tanışı Elməddin Məmmədovun sərxoş vəziyyətdə özgənin əmlakının zədələnməsi ilə müşayiət olunan qərəzli xuliqanlıq hərəkətləri etmələri və bununla əlaqədar hadisə yerinə toplaşmış bir qrup şəxs tərəfindən "Çıraq" hotelinin və müxtəlif markalı avtomobillərin yandırılması ilə nəticələnən kütləvi münaqişə, daha sonra kütləvi etirazlarla müşayiət olunub.
Your browser doesn’t support HTML5
Məhbus Elşən İsmayılovun anasının Amerikanın Səsinə müsahibəsi
Etirazlar yanvarın 24-də yatırdılıb. 18 nəfər həbs edilib. Həbs olunanlar arasında etirazlar yatırıldıqdan sonra İsmayıllıya getmiş müxalif REAL Hərəkatının lideri İlqar Məmmədov və Müsavat Partiyası başqanının müavini Tofiq Yaqubliu da var.
Tofiq Yaqublu, İlqar Məmmədov, həmçinin İsmayıllı rayon sakinləri Cinayət Məcəlləsinin 233 (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315.2-ci (hakimiyyət nümayəndəsinə qarşı müqavimət göstərmə və ya zor tətbiq +etmə) maddələri ilə cinayət işi qaldırılıb və barələrində həbs qətiimkan tədbiri seçilib.
Your browser doesn’t support HTML5
Şəki məhkəməsinin qarşısı - Valideynlər məhkəməyə buraxılmır
