Kremlin rəsmi saytı xəbər verib ki, Rusiyanın strateji nüvə qüvvələri rəqibin nüvə zərbəsinə cavab olaraq kütləvi nüvə zərbəsi təlimləri keçirib. Təlimlərə Vladimir Putin rəhbərlik edib.
Rusiya Federasiyası prezidentinin mətbuat xidmətinin qeyd etdiyi kimi, təlimlər zamanı ballistik və qanadlı raketlərin praktiki buraxılışları həyata keçirilib.
Belə ki, hərbçilər Kamçatkadakı "Kura" poliqonunda yerləşən Plesetsk sınaq kosmodromundan qitələrarası "Yars" ballistik raketini buraxıb. Barents dənizindən strateji nüvə enerjili "Sineva" ballistik raketi "Tula" sualtı kreyserindən buraxılıb. Havadan atılan qanadlı raketlər "Tu-95MS" uzaqmənzilli təyyarələrdən buraxılıb.
Rusiya Müdafiə Nazirliyinin rəhbəri Sergey Şoyqunun bildirdiyinə görə, təlimlər zamanı hərbçilər "rəqibin nüvə zərbəsinə cavab olaraq, strateji hücum qüvvələri tərəfindən kütləvi nüvə zərbəsi endirməyi" məşq edib.
Oktyabrın 18-də Rusiya Dövlət Duması "Nüvə Sınaqlarının Hərtərəfli Qadağası Müqaviləsi"nin ratifikasiyasını ləğv edən qanun layihəsi qəbul edib. Sənəd oktyabrın Dövlət Dumasına 13-də Vladimir Putinin Valday diskussiya klubunun iclasında ABŞ-ın bu müqaviləni ratifikasiya etmədiyi üçün nüvə sınaqlarına qadağa müqaviləsinin ratifikasiyasını ləğv edilməsi barədə düşünəcəyi bəyanatından sonra təqdim edilib.
Kremlin sözçüsü Dmitri Peskov daha əvvəl demişdi ki, ratifikasiyanı ləğv edən qanunun qəbulu Rusiyanın nüvə sınaqlarına başlayacağı anlamına gəlməyəcək.
"Nüvə Sınaqlarının Hərtərəfli Qadağası Müqaviləsi" 1996-cı ildə BMT Baş Assambleyasında qəbul edilib. Sənəd kifayət qədər ölkə imzalamadığı üçün qüvvəyə minməyib. ABŞ sənədi imzalasa da, lakin ratifikasiya etməyib.