Moskva yaxınlığında sərnişin təyyarəsinin qəzaya uğraması nəticəsində iki adam ölüb, 83 adam xəsarət alıb. Rəsmilər Dağıstan hava yollarına məxsus TU-154 təyyarəsinin 176 sərnişinlə Moskvadan havaya qalxdığını bildiriblər. Lakin təyyarə sonradan məcburi yerə enərək, sürüşüb və ikiyə parçalanıb. Rəsmilər bildirir ki, 1970-ci illərdən qalma təyyarənin pilotu mühərriklərdən üçünün sıradan çıxdığı haqda xəbər verib. TU-154 təyyarəsi çox səs etdiyinə görə onun Avropanın bəzi hissələrində istifadəsinə icazə verilmir.