Tehran Apellyasiya Məhkəməsi Pərisa Rəfiiyə qarşı ilkin məhkəmədə çıxarılan hökmü qüvvədə saxladı.
Bu haqda İranda insan haqları sahəsində fəaliyyət göstərən HRA saytı məlumat yayıb.
Rəfii 2018-ci il fevralın 25-də İranda dekabr/yanvar aylarında baş qaldıran etiraz aksiyalarında iştirak etdiyinə görə həbs edilmişdi.
Bundan əvvəl Tehran İnqilab Məhkəməsi xanım Rəfiini 7 il həbs və 74 şallaq cəzasına məhkum etmişdi. Onun həmçinin 2 il ölkədən çıxma və partiyalara üzv olmasına qadağa tətbiq edilmişdi.
Siyasi fəallıq nümayiş etdirən Rəfii İranda dekabr/yanvar aylarında baş qaldıran etiraz aksiyalarında iştirak etdiyinə görə həbs edilmişdi.
Həmin xəbərə əsasən, Pərisa Rəfiinin məhkəməsi iyulun 2-də keçiriləcəyi ilə bağlı məlumatlandırılsa da, ona Tehran vilayətinin Apellyasiya Məhkəməsinin 36-cı şöbəsinə müraciəti zamanı məhkəmənin keçirilməyəcəyi və hökmün qiyabi olaraq veriləcəyini bildirilmişdi.
Parisa Rəfii
Əslən İran Azərbaycanının Zəncan vilayətindən olan fəal Pərisa Rəfii Tehran İnqilab Məhkəməsinin 28-ci şöbəsi tərəfindən "sistemə qarşı təbliğat", "ictimai asayişi pozmaq" və "sözləşmə və toplaşma" kimi ittihamlarla suçlanaraq, 7 il həbs və 74 şallaq cəzasına məhkum edilmişdi.
Tehran Universitetinin incəsənət üzrə ixtisaslaşan Pərisa Rəfii 2018-ci il fevralın 25-də təhlükəsizlik qüvvələri tərəfindən tutularaq, 23 gün naməlum yerdə tək adamlıq həbsxanada saxlanıldıqdan sonra girov müqabilində sərbəst buraxılmışdı.