Rusiya prezidenti Vladimir Putinin yardımçısı ABŞ prezidenti Donald Trampın Rusiya liderini Ağ Evə dəvət etdiyini bəyan edib. Baxmayaraq ki, ölkələr arasında belə bir görüşə heç bir hazırlıq aparılmır.
Tramp və Putin son dəfə martın 20-də Putinin yenidən prezident seçilməsindən sonra telefon söhbəti aparıb. Ağ Ev və Kreml liderlərin görüş barədə şəxsən qərar verdiklərini bildirir.
Putinin yardımçısı Yuri Uşakov Trampın Putini dəvət etdiyini Rusiyanın xəbər agentliklərinə deyib.
Uşakov əlavə edib ki, hökumətlər ABŞ-ın Britaniyanın Rusiyanı sabiq casusun zəhərlənməsi ittihamlarına qoşulmasına görə görüşün tarixini müəyyən etməyib.